Carusi picciutteddi n'ancutramu,
erumu beddi, puliti e sènza menu,
ccu la manu nti la manu ninni jemu
sia ccu lampi, oppuri a cel serenu.

Quannu certi voti non vinevi,
i porti do me cori tu chiurevi
senza caluri e senza llustru mi lassavi.
quanti duluri e quanti peni ca mi davi.

Nta la me stanza fridda e nicaredda,
iu m'arrunchiavu, mi facevu nica nica.
Ogni pinseru ppi tia...na faidda,
o scuru la to facci era na stidda.

Ranni e siceru però é u sintimentu,
di l'amuri ca ti vogghiu non mi pentu,
Ponu passari l’anni finu a centu
Ma iu vicinu a tia sempri mi sentu.

Di la nostri sorti semu cuntenti,
Na datu n’nfigghiu ca è cosa galanti,
riccu di tuttu, non ci manca nenti.
Ccu tri nuputi, tri veri talenti.

hamu viaggiatu vicinu e luntanu,
N’amu spattutu lu pani e lu vinu!
Hamu nvicchiatu supra o stissu cuscinu,
N’amu tinutu sempri stritta la manu