Siddu 'na sira sugnu spitittatu
o me mugghieri 'un voli cucinari,
àutra cosa nun fazzu chi accattari
'na pizza chi dilizia lu palatu.

E s'haiu quarchi òspiti 'nvitatu
la pìgghiu bedda granni: familiari!
E pi cirtizza di nun sfigurari
vaju unni lu gustu è assicuratu!

'Nta chiazza, a Passu 'i Renu, un prufissuri,
conza li pizzi cu gran maistrìa.
Si chiama 'Nòfriu e giuru, su l'onuri,

ca mégghiu 'un n'haiu manciatu in vita mia.
Tuttu 'stu gustu e tuttu 'stu sapuri
picchì ci metti amuri e fantasia!

TRADUZIONE
A Onofrio De Luca
Se una sera ho disappetenza
o la moglie non vuole cucinare,
altra cosa non faccio che comprare
una pizza che delizia il palato.

E se ho qualche ospite invitato
la piglio bella grande: familiare!
E per certezza di non sfigurare
io vado dove il gusto è assicurato!

In piazza Passo di Rigano, un "professore"
prepara pizze con gran maestria.
Si chiama Onofrio e giuro, sull'onore,

che migliori non ne ho mangiato in vita mia.
Tutto questo gusto e tutto questo sapore
perchè ci mette amore e fantasia!