Mi capitò di léggiri un librettu
ca un pueta di vint'anni fa
scrissi, abbagnannu a pinna 'nta lu pettu,
mitténnucci l'amuri e l'onestà.

Ci sunnu sintimenti accussì puri,
ci sunnu versi accussì raffinati,
ca vi lu giuru chistu su' l'onuri,
s'avìssiru a sculpiri 'nta i balati!

E lu sapiti vui cu è l'auturi?
Un certu don Totò. Facìa 'u ciuraru,
ma cchiù ca rosi, assai vinnia l'amuri,

anzi lu rigalava... un fattu raru.
Ammàtula 'un campò ca li so' ciuri
su' 'ncelu misi e fannu di stiddaru!

TRADUZIONE
A Salvatore Equizzi (Dal Giornale di Sicilia del 7/11/1985)
Mi capitò di leggere un libretto
che un poeta di vent'anni fa
scrisse, intingendo la penna nel petto,
mettendoci l'amore e l'onestà.
Ci sono sentimenti così puri,
ci sono versi così raffinati
che, questo ve lo giuro sull'onore,
dovrebbero essere scolpiti!
E lo sapete voi chi è l'autore?
Un certo don Totò, era un fioraio,
ma più che fiori assai vendeva amore,
anzi lo regalava... un fatto raro.
Non visse inutilmente, che i suoi fiori
sono ora in cielo e fanno firmamento!