"Insèmmula", chi bella trasmissioni!
La sira pi du' uri m'arricriu:
una poltrona e la televisioni,
mi godu la sirata comu a un diu!

E' prisintata cu gran prufissioni,
ci su' cantanti e còmici ca è un priu.
Tutti li seguiu e ascutu cu attinzioni...
ca c'è megghiu programma nun ci criu!

Si spunta poi Guarneri, granni atturi,
chi fà "Littèriu" cu li so battuti,
ci stassi a taliallu pi uru e uri.

A casa s'hannu a stari tutti muti,
picchì si fannu u minimu rumuri
a tutti quanti 'i pìgghiu pi curnuti!

TRADUZIONE
A Salvo la Rosa e
"Insieme", ma che bella trasmissione!
La sera per due ore mi ricreo:
una poltrona e la televisione,
mi godo la serata come un dio!
E' presentata con gran professione,
ci sono cantanti e comici che è un piacere,
tutti li seguo e ascolto con attenzione,
che ci sia miglior programma non credo!
Se spunta poi Guarneri, grande attore,
che fa "Litterio" con le sue battute,
starei a guardarlo per ore e ore:
A casa devon stare tutti muti
perchè, se fanno il minimo rumore,
li prendo a tutti quanti per cornuti!