'Nto retrè du Parlamentu,
riservatu o' gentil sessu,
ci fu un certu muvimentu:
ci trasìu senza permessu
e, assittatu 'nto vasinu,
ci truvaru un... clandestinu!

Na signura, mischinedda,
arristò accussì sciuccata,
quannu vitti dda faredda,
ca si 'ntisi viulintata.
Picchì 'i fìmmina, u banditu,
avìa sulu lu vistitu!

Doppu u fattu ca successi,
a la Cammara e o' Sinatu,
a guardianu di li cessi
ci hannu a méttiri un surdatu.
Pi taliari, a scansu 'i danni,
puru dintra a li mutanni!

Siddu sunnu picca i guai
chi ci su' dintra o' Paisi
d'accussì sunnu cchiù assai:
cu' 'un arriva a' fini 'u misi
s'havi a séntiri i cazzati
di li nostri deputati!

TRADUZIONE
COSA COMBINI VLADIMIRO?!
Dentro il bagno del Parlamento
riservato al gentil sesso,
ci fu un certo movimento:
entrato senza permesso
e, seduto sul vasino,
trovarono un clandestino!
Una signora, poverina
rimase così scioccata,
quando vide quella sottana
che si sentì violentata:
Perchè di donna, il bandito,
aveva solo il vestito!
Dopo il fatto successo,
alla Camera e al Senato,
a guardiano dei cessi
metteranno un soldato.
Per guardare, a scanso di danni,
pure dentro alle mutande!
Chissà sono pochi i guai
che ci son dentro al Paese
così sono ancor più assai:
chi non giunge a fine mese
deve udir le cavolate
delle nostre deputate!