C'era e c'era na vota,
'nta un rignu assai luntanu,
un pòpulu chi avìa
un pupu pi suvranu.

Sirveva quarchi liggi?
Lu re nenti facia!
La rimandava a doppu,
'stu re di lagnusia!

C'eranu 'i numinari
capi di ministeri?
Sciggheva a li scarpara,
a i 'gnuri, a li chiancheri!

C'era di fari guerra?
Pigghiava pi surdati
a chiddi menzi 'nvalidi,
nani, orbi e sciancati!

Stanchi 'i stu lazzaruni,
pi assicutarlu via,
fìciru un referennu:
livaru a monarchia.

Lu statu democraticu
nascìu repubblicanu,
unni è ca cumannava
lu pòpulu suvranu.

Fineru l'ingiustizi,
la puvirtà e li peni,
in tuttu lu Paisi
ognunu stava beni.

La civiltà avanzava,
libiru fu u pinseru.
Però... favula è chista,
nun ci criditi veru!

TRADUZIONE
LA FAVOLA DELLA DEMOCRAZIA
C'era e c'era una volta,
in un regno lontano,
un popolo che aveva
un pupo per sovrano.
Serviva qualche legge?
Il re niente faceva!
La rimandava a dopo,
questo re di pigrizia!
Doveva nominare
capi di ministeri?
Sceglieva calzolai,
cocchieri e macellai!
C'era da fare guerra?
Pigliava per soldati
a quelli menzi invalidi,
nani, orbi e sciancati!
Stanchi di questo lazzarone,
per cacciarlo via,
feceru un referendum:
levarono la monarchia.
Lo stato democratico
nacque repubblicano,
li dove comandava
il popolo sovrano.
Finirono le ingiustizie,
la povertà e le pene,
il tutto il Paese
ciascuno stava bene.
La civiltà avanzava,
libero fu il pensiero.
Però... favola è questa,
non ci credete davvero!