Ma cu lu dissi ca li vicchiareddi
nun hannu cchiù l'attività sessuali!?
Ci nn'è chi su' cchiù vispi d'i fringueddi,
chi sunnu giovanotti tali e quali.

Pi esempiu, c'è me nannu, a novant'anni,
chi nn'ha canciatu tri di cammareri,
picchì, cu tutti 'i acciacchi e li malanni,
ci duna pizzicuna 'nto darreri.

Iddu nni dici ca 'un lu fà pi mali,
ma ch'è na speci i tic, di riflessu,
pi esprìmiri la so forza vitali.
Pi chistu nun lu chiedi lu permessu.

Me nanna fà scinati 'i gilusia:
si pitta l'occhi, si fà cchiù attraenti
di modu ca u maritu la talìa.
Ma pi la gatta nun ci nesci nenti:

Me nannu 'nfatti si muntò la testa
pi na subretti di televisoni
e nun voli ca nuddu lu mulesta
si affàccia 'nta lu vìdiu a so' passioni!

Ora com'è ca si po' ghiri avanti
quann'unu cu l'età nun si rassigna!?
Avìssiru a prigari a Diu e a li santi
si' un hannu cchiù capiddi 'nta la tigna...

E 'nveci chi ci spercia? Lu ballittu,
li fìmmini chi fannu 'u spogliarellu...
Un tempu parìa assai lu pani schittu
e oggi pari picca u rafanellu!

'Nta st'èpuca moderna, tutti cosi
mi pari ca s'avìssiru 'nvirtutu:
sunnu i picciotti amanti d'i riposi
e si strapazza 'nveci lu canutu!

TRADUZIONE
IL SESSO E I VECCHIETTI
Ma chi l'ha detto che i vecchiarelli
non hannu più l'attività sessuale?!
Ce n'è che son più vispi dei fringuelli,
che sono giovanotti tali e quali!
A esempio, c'è mio nonno, a novant'anni,
che ne ha cambiato tre di cameriere,
perchè, pur con gli acciacchi ed i malanni,
gli piace pizzicarle nel sedere.
Egli ci dice che non è per male,
ch'è una sorta di tic, di riflesso
che esprime quella sua forza vitale.
Per questo lui lo fà senza permesso.
Mia nonna fà scenate di gelosia:
si pitta gli occhi, si fà più attraente
in modo da attirare suo marito.
Ma per la gatta non rimane niente:
Mio nonno, infatti, si montò la testa
per una soubrette della televisione
e non vuole che nessuno lo molesti
se spunta sul video la sua passione!
Ora si potrà mai andare avanti
quando con l'età non ci si rassegna!?
Dovrebbero pregare Dio ed i santi
se non hanno più capelli in testa...
E invece a cosa badano? Al balletto,
alle donnine ed allo spogliarello...
Un tempo sembrava indigesto il pane scondito
ed oggi sembra poco il ravanello!
In quest'epoca moderna tutte le cose
mi pare che si siano rovesciate:
sono i giovani amanti di riposi
e si strapazza invece il canuto!