Quannu tirava i denti lu varberi,
c'un litru 'i vinu comu anistisia,
ognunu si diciva li prigheri
e luna e firmamentu poi vidìa.

Ora c'addivintò dottu misteri,
cu tantu di diploma in chirurgia,
un denti di tirari 'un è pinseri...
si cura, comu ogn'àtra malatia.

'Nta lu pirtusu fai l'otturazioni;
protisi; pernu; ponti d'oru e impiantu
e, fatta la devitalizzazioni,

cchiù di duluri nun c'è nuddu scantu.
Quannu vidi lu cuntu è l'afflizioni:
a stentu po' trattèniri lu chiantu!

TRADUZIONE
DAL DENTISTA
Quando tirava i denti il barbiere,
con un litro di vino per anestesia,
ognuno si diceva le preghiere
e luna e firmamento poi vedeva.
Ora ch'è diventato dotto mestiere,
con tanto di diploma in chirurgia,
un dente da estrarre non è più un pensiero:
si cura, come ogni altra malattia.
Dov'è il problema si fanno otturazioni,
protesi, perni, ponti d'oro e impianti
e, dopo la devitalizzazione,
non c'è più dolore da temere.
Quando vedi il conto è l'afflizione:
a mala pena puoi trattenere le lacrime!