Lu medicu mi dissi: - Amicu caru,
ascutami si a longu vo' campari:
salami, sperzi e sali nun manciari
e nun finiri u pranzu cu l'amaru.

Cafè, bìbiti e alcolici ha' scurdari
ca già li megghiu stomachi sfasciaru
a tanta genti e senza cchiù riparu.
La sira troppu tardu 'un ti curcari.

Li fìmmini oramai làssali iri
ca sempri fannu dannu a li pinseri
e tùrbanu li nervi a mai finiri.

Osserva 'sta ricetta pi guariri:
Manciari picca, nenti fumari e 'a sira
...li prigheri.
Mi vuoi ascutari? - NO! VOGGHIU MURIRI!