Palermu è organizzata pi la 'stati,
pi chistu quannu chiovi è 'na jattura.
Veni lu 'nvernu, vennu li jurnati
chi fannu d'a cità 'na fugnatura!

Pantani e ciumi pàrinu li strati
e nèsciri di casa è n'avvintura:
cròllanu mura, càdinu balati
(però, in cumpensu, l'aria si fà pura)!

Una cità ch'è tutta un munumentu
abbannunata o tempu e a la natura,
a li crapicci chi fà l'acqua e u ventu!

Ma nuddu la difenni 'sta criatura?
Putissi armenu chistu me lamentu
scòtiri lu Cumuni e a Prifittura!

TRADUZIONE
Piove a Palermo
Palermo è organizzata per l'estate,
per questo quando piove è una jattura.
Viene l'inverno, vengon le giornate
che fan della città una fognatura!
Pantani e fiumi sembrano le strade
e uscire di casa è un'avventura:
crollano muri, cadono balate
(però, in compenso, l'aria si fà pura)!
Una città ch'è tutta un monumento
abbandonata al tempo e alla natura,
ai capricci che fanno l'acqua e il vento!
Nessunu che difenda questa creatura?
Potesse almeno questo mio lamento
scuotere il Comune e la Prefettura!