Quann'era picciriddu, pi jucari,
sfardavu na cammisa di me patri,
na cruci mi ci misi a pitturari
e fici 'na bannera pi nuatri

ca, comu i granni, jucàvamu a la guerra;
facìa pi asta un manicu di scupa
e quantu voti ci finìu pi 'nterra,
scunfitta di li "Figghi di la Lupa"!

Ma sempri la currèvamu a jisari,
picchì 'dda cruci russa pitturata
era l'onuri e, puru pi jucari,
mai l'avìssimu 'nterra abbannunata!

Ora quantu ni viju di 'sti banneri
cu tantu di midagghi e asti d'oru,
appizzati 'nta i circhi, 'nta li feri
e puru 'nta li posti di ristoru.

Ma nun n'haiu vistu mai d'accussì beddi
comu la nostra di tant'anni fà,
quann'è ca si jucava, picciutteddi,
cu l'anima nnuccenti di l'età!

TRADUZIONE
La bandiera
Quand'ero piccolino, per giocare,
strappai una camicia di mio padre,
una croce ci volli pitturare
e feci una bandiera per noialtri
che, come i grandi, giocavamo alla guerra;
faceva l'asta un manico di scopa
e quante volte ci finì per terra,
sconfitta da i "Figli della Lupa"!
Ma sempre la si andandava a rialzare,
perchè quella croce rossa pitturata
era l'onore e, pure per giocare,
non l'avremmo mai in terra abbandonata!
Ora quanto ne vedo di bandiere
con tanto di medaglie ed aste d'oro,
appese sopra i circhi, nelle fiere
e pure nei posti di ristoro.
Ma non ne ho viste mai altrettanto belle
come la nostra di tanti anni fà,
quando noi giocavamo, giovincelli,
con l'animo innocente dell'età!