Lu surciteddu di testa sbintata
nun pìgghia cchiù la via di l'acitu,
si fici giudiziusu, canciò strata
di quannu lu spitali fu custruitu.

Campa cu na famigghia assistimata
'nta un nosocomiu sempri rifurnitu
d'ogni pitanza ricca e prilibata,
senza lu scantu d'éssiri punitu.

'Nfatti 'nta lu spitali a pulizia
veni fatta ogni tantu e malamenti
puru 'nta lu repartu 'i chirurgia.

A i medici nun ci ni futti nenti
si li malati hannu cumpagnia
e li scravagghi e i surci su cuntenti!

TRADUZIONE
OSPEDALI SPORCHI
Il topolino di testa sventata (Poesia classica di G.Meli)
non prende più la via dell'aceto,
si è fatto giudizioso, cambiò strada,
da quando l'ospedale fu costruito.
Campa con una famiglia sistemata
in un nosocomio sempre rifornito
d'ogni pietanza ricca e prelibata,
senza paura d'essere punito.
Infatti, in ospedale, la pulizia
viene fatta ogni tanto e malamente
financo nel reparto chirurgia.
Ai medici non ce ne frega niente
se i malati hanno compagnia
e scarafaggi e topi son contenti!