Egregiu Diretturi, havi a sapiri
ca me mugghieri, fìmmina di casa,
sparagnatrici sempri a mai finiri,
pi allustrari li vitra s'è pirsuasa

di usari lu giurnali addimuratu;
ma ormai havi d'un tempu a chista banna
ca lu cristallu assai resta 'ngrasciatu.
E cchiù si pulizia, cchiù assai s'appanna.

Chi fùssiru pi casu li nutizi
chi sunnu tra li pagini stampati?
Mi pari un ripirtoriu di li vizi,
li cchiù fitusi, li cchiù scillirati!

Ci trovu scrittu: droga, ammazzatini,
furti, scippi, pulitici currutti...
Chistu li scannalìa a li citatini,
chi dìcinu: - Accussì semu arriddutti!? -

Nun fussi bonu, almenu 'na facciata,
chi dicu... 'na culonna, dedicari
a na nutizia, puru si 'nvintata,
ma bona... pi li vitra puliziari!?

TRADUZIONE
MA CHE BRUTTE NOTIZIE
Egregio Direttore, ha da sapere
che mia moglie, donna di casa,
risparmiatrice sempre senza fine
per lucidare i vetri, si e convinta
di utilizzare i giornali passati;
ma ormai è da tempo a questa parte
che il cristallo resta molto sporco.
E più si pulisce, più si appanna.
Che siano per caso le notizie
che sono tra le pagine stampate?
Mi sembra un repertorio dei vizi,
quelli più sporchi, i più scellerati!
Vi trovo scritto: droga, assassinii,
furti, scippi, politici corrotti...
questo scandalizza i cittadini,
che dicono: - Così siamo ridotti!? -
Non sarebbe bene, almeno una facciata,
che dico... una colonna, dedicare
a una notizia, pure se inventata,
ma buona... per i vetri pulire!?