I
Vi cuntu lu segretu 'i Mastru Alfanu,
chi ci nascìu cattolicu osservanti:
camina sempri c'u rusariu 'nmanu
e un portafogghiu chinu chinu 'i santi.
Ma si, cusà, ci passa pi davanti
un gattu niru o na carrozza 'i mortu,
afferra 'nta sacchetta, sull'istanti,
un cornu russu chi ci da' cunfortu!
II
Quann'è ca s'arrabbìa Mastru Pippinu
la facci ci diventa comu un focu,
pari avissi vivutu un litru 'i vinu,
la vuci chi ci nesci è un sonu rocu.
Tuttu chi trema, chi s'annarbulìa,
comu 'na pampinedda sutta o' ventu;
poi ci nesci di 'n vucca a litania:
nòmina u calindàriu nni un mumentu!
III
Santuzza, la Duminica matina,
s'azzizza tutta e si nni va a la Missa;
s'assetta 'nfunnu, a l'ultima panchina,
e dici na prighera (sempri a stissa):
"Signuri, mi vulissi maritari,
siccomu 'un sugnu lària ne cretina,
zitella nun ci vògghiu addivintari,
... mi piacissi un dutturi in midicina"!
IV
Giuvanni havi vint'anni e tutta a jurnata
la passa cu l'amici 'nmenzu a strata;
la vita chi cunnuci è scapistrata
tantu ca nun po' èssiri cuntata!
Ma quannu è dintra pari un ancileddu,
nun chianci, un ridi e mancu fà burdeddu
di quannu ca so' patri c'u marteddu
lu pigghiò 'nchinu 'nta lu ciriveddu!
V
Ogni matina, u nostru Cavaleri,
veloci si nni scinni a travagghiari,
ma prima vasa i figghi e la muggheri,
picchì sinnò nun sapi 'ncuminciari.
Arriva a la so' fabbrica puntuali
e precisu cuntrolla a pruduzioni
di tutti li strumenti cchiù murtali:
cannuna, mitra, bummi e munizioni!
VI
Don Carmeluzzu l'havi chistu viziu:
spissu, quannu ci parti la muggheri,
ci si 'nfrùscanu tutti li pinseri
e si voli livari quarchi sfiziu!
Ma nun lu fà, facìtici attinzioni,
chi sacciu, pi mancanza di rispettu:
chiffà discurri sulu 'nta lu lettu,
iddu ch'è amanti di conversazioni!?
VI
Si c'è un piccatu ch'è cumuni a tutti
è propiamenti chiddu d'arrubbari.
Ma c'è cu si cuntenta 'i quattru frutti
e cu' mai si finisci d'abbuffari!
Pi chistu s'havi a fari distinzioni
tra u principianti (subitu arristatu!)
e chiddu chi lu fà pi prufissioni:
lu Guvernu, di sempri, è autorizzatu!
VIII
Pi cu' cridi a la fàvula 'i Pinocchiu,
farfanti nun n'esìstinu a stu munnu,
ma siddu, pi tantìcchia, rapi l'occhiu,
scopri ca a virità sta troppu 'nfunnu!
Televisioni, radiu e li giurnali
su' li patruna di l'informazioni;
ma spissu li nutizi nu su' uguali:
la Virità diventa un'opinioni!
IX
Ormai si sapi, è puru dimustratu,
sempri u stissu manciari nun fa' beni,
pi chistu l'omu, rozzu o raffinatu,
talìa l'àtru 'nto piazzu zoccu teni.
E' chiaru ca, taliannu una pitanza,
po' vèniri la vogghia d'assaggiari:
però sempri finisci a mali 'i panza!
Sintìtimi: cunveni rinunziari!
X
Chi mi piacissi a mia? 'Na villa a mari!
Pi fari chi? 'Nca stassi tutta a jurnata
cu lenzi e canna 'nmanu pi piscari!
E chidda si, fussi vita biata!
Pi chistu quannu passu d'a burgata
e viju 'dda villa, supra l'acqui chiari,
senza un cristianu, sula e abbannunata,
criditi: mi vinissi d'arrubbari!

TRADUZIONE
I DIECI COMANDAMENTI
I
Vi dico il segreto di Mastr'Alfano,
che è nato cattolico osservante:
cammina sempre col rosario in mano
e un portafogli saturo di santi.
Ma se, per caso, gli passano davanti
un gatto nero o un carro da morto,
afferra nella tasca, sull'istante,
un corno rosso che gli dà conforto!
II
Quando gli viene rabbia a Mastro Peppino
il viso gli diventa come un fuoco,
sembra abbia bevuto un litro di vino,
la voce che gli esce è un suono roco.
Tutto che trema e che si inalbera
come una fogliolina sotto il vento;
poi gli esce di bocca una litania:
nomina il calendario (i santi) in un momento!
III
Santuzza, la Domenica mattina,
si acconcia tutta e se ne va a Messa;
si siede in fondo, sull'ultima panchina,
e dice una preghiera (sempre la stessa):
"Signore, mi vorrei maritare,
siccome non sono brutta ne cretina,
zitella non vorrei diventare,
... mi piacerebbe un dottore in medicina"!
IV
Giovanni ha vent'anni e tutta la giornata
la passa con gli amici per la strada;
la vita che conduce è scapestrata
tanto che non può essere raccontata!
Ma quando è dentro sembra un angioletto,
non piange, non ride e non fà fracasso
da quando suo padre con un martello
lo prese proprio in pieno sul cervello.
V
Ogni mattino, il nostro Cavaliere,
veloce esce per lavorare,
ma prima bacia i figli e la moglie,
altrimenti non saprebbe iniziare.
Arriva alla sua fabbrica puntuale
e preciso controlla la produzione
di tutti gli strumenti più mortali:
cannoni, mitra, bombe e munizioni!
VI
L'ha lui, Don Carmelino, questo vizio:
spesso, quando parte sua moglie,
gli si confondono tutti i pensieri
e si vuole togliere qualche sfizio!
Ma non lo fà, fateci attenzione,
che so io, per mancanza di rispetto:
che fà discute solo dentro al letto,
lui che amante di conversazione!?
VII
Se c'è un peccato ch'è comune a tutti
è propriamente quello di rubare.
Ma c'è chi si contenta di quattro frutti
e chi non si finisce mai d'abbuffare!
Per questo si deve fare la distinzione
tra il principiante (subito arrestato!)
e colui che lo per professione:
Il Governo, da sempre, è autorizzato!
VIII
Per chi crede alla favola di Pinocchio,
furfanti non esistono a questo mondo,
ma se, appena un tantino, apri l'occhio,
scopri che la verità sta troppo in fondo!
Televisione, radio ed i giornali
sono i padroni dell'informazione;
ma spesso le notizie non sono eguali:
la Verità diventa un'opinione!
IX
Ormai si sa, è pure dimostrato
sempre lo stesso alimento non fa bene,
per questo l'uomo, rozzo o raffinato,
guarda l'altro nel piatto cosa tiene.
E' chiaro che, guardando una pietanza,
può venire la voglia di assaggiare:
però sempre finisce a mal di pancia!
Sentitemi: conviene rinunciare!
X
Che piacerebbe a me? Una villa al mare!
Per fare cosa? Starei tutto il giorno
con lenze e canna in mano per pescare!
E quella si che sarebbe vita beata!
Per questo quando passo dalla borgata
e vedo quella villa, sulle acque chiare,
senza nessuno, sola e abbandonata,
credemi: avrei voglia di rubarla!