Lu vecchiu fu truvatu,
vistutu malamenti,
supra a un lettu;
cu l'occhi sbarrachiati
e senza luci
versu 'u ritrattu
d'a muggheri, morta,
e di lu figghiu
a l'ésteru emigratu!
Dintra la manu manca
strinceva,
cu forza d'artigghiu,
la so' droga:
un librettu
cu scrittu:
"Pinsioni Sociali"!

TRADUZIONE
CRONACA NERA
Il vecchio fu trovato,
malvestito,
sopra un letto;
con gli occhi sgranati
e senza luce
verso il ritratto
della moglie, morta,
e di suo figlio
a l'estero emigrato!
Nella mano sinistra
stringeva,
con forza d'artiglio,
la sua droga:
un libretto
con scritto:
"Pensione Sociale"!