Tannu amava la vita!
Quannu m'arruspigghiava a la matina
cu la vuci di Rosa
chi, cantannu,
jiava a cògghiri l'acqua a la funtana.
E lu so' cantu m'arristava 'ntesta
e cchiù nun mi lassava
pi tutta la jurnata.

Tannu amava la vita,
quannu, 'nta li notti d'aùstu,
l'amici tutti, junciuti 'nta la chiazza,
stàvamu a millantari li conquisti
di fìmmini mai visti.
E 'nta stu jocu di farfantaria
vincìa lu cuntu 'i chiddu
c'avìa cchiù fantasia.

Tannu amava la vita,
quannu, cu milli liri 'nta sacchetta,
mi sinteva un baruni,
quannu fumava
senza la suggizioni di la tussi
e mi parìa d'aviri
la forza d'un liuni.

Tannu, a vint'anni,
quannu m'arruspigghiava a la matina
cu la vuci di Rosa
e nun sapia chi fussi lu duluri,
era bella la vita.
Zocch'è ora
lu sapi lu Signuri!

TRADUZIONE
VENT'ANNI
Allora amavo la vita!
Quando mi svegliavo al mattino
con la voce di Rosa,
che, cantando,
andava con la brocca alla fontana.
Ed il suo canto mi restava in testa
e più non mi lasciava
per tutta la giornata.

Allora amavo la vita,
quando, nelle notti d'agosto,
gli amici, tutti insieme, nella piazza,
stavamo a millantare le conquiste
di bellezze mai viste.
E in questo gioco di bugiarderia
vinceva quel racconto
con più fantasia.

Allora amavo la vita,
quando, con mille lire in tasca,
mi sentivo un barone,
quando fumavo
senza il timore della tosse
e credevo di avere
la forza di un leone.

Allora, a vent'anni,
quando mi svegliavo al mattino
con la voce di Rosa
e non sapevo cosa fosse il soffrire,
era bella la vita.
Cosa è ora
lo sa il Signore!