Oh furesteri ‘ca lu munnu giri
‘ncerca di cosi rari e di biddizzi
Veni ‘n Sicilia ‘ca li gran ricchizzi
Lu Signuruzzu li criau ‘cca.
Cerca ‘ca trovi ‘sta terra d’amuri
‘stu paradisu ‘nterra di splennuri.
Unni tu viri zagara
Fimmini spetti e beddi
Ddocu c’è la Sicilia, si arrivatu già.

Li cosi beddi, lu Criaturi
li gran favuri li fici ‘cca.

Veni ti ricu ‘cca c’è Mungibeddu
Li mennuli ‘nto ‘nvernu su ciuruti
L’aranci d’oro e l’arvuli ‘mpinnuti
Lu vecchiu veru vecchiu ca nun c’è
Nun dumannari ammatula a pirsuni
Li stessi orvi trovanu a tastuni.
Unni lu cielu è limpidu
Unni su rose e ciuri
Ddocu c’è la Sicilia, si arrivatu già.

Li cosi beddi, lu Criaturi
li gran favuri li fici ‘cca.

TRADUZIONE
Sicilia incantata
oh forestiero che giri il mondo/ in cerca di bellezze e cose rare/ vieni in Sicilia che il Signore ha qui creato delle grandi ricchezze/cerca che troverai questa terra d’amore/ questo paradiso in terra di splendore/ dove vedi la zagara/ donne belle e in gamba/ lì c’è la Sicilia,sei già arrivato.
Le cose belle, il Creatore/ i grandi favori li ha fatti qui/ Ti dico di venire, qui trovi il Mongibello/ i mandorli d’inverno sono in fiore/ gli aranci d’oro e gli alberi rigogliosi/ il veramente antico che ormai non trovi più/ non chiedere inutilmente alle persone/ gli stessi ciechi la trovano al solo tatto/ dove il cielo è limpido/ dove ci sono rose e fiori/ lì c’è la Sicilia, sei già arrivato.
Le cose belle, il Creatore/ i grandi favori li ha fatti qui.