Chicchirichì! Ti sentu cantari e 'un sacciu 'unni sì.
Chicchirichì! Persi lu 'addru e li quattru tarì.
Aviti vistu, cummari, un 'addruzzu,
l'aviti vistu passari di ccà?
La chirca russa, li pinni puliti,
si lu viriti iddu pari un re.
Chicchirichì! Ti sentu cantari e 'un sacciu 'unni sì.
Chicchirichì! Persi lu addru e li quattru tarì.

-Cummari mia, sgarrastivu strata,
na la me casa addruzzu 'un ci nn'é.
Circativillu pi strati cchiù larghi,
na la me casa addruzzu 'un ci nn'é.
Chicchirichì! Ti sentu cantari e 'un sacciu unni sì.
Chicchirichì! Persi lu addru e li quattru tarì.

Cummari mia, itivinni ddra dintra
pirchì lu broru sta scennu di fora.
A la cummari figghiastiu pi fissa
pirchì lu addruzzu l'aviti vui.
Chicchirichì! Ti sentu cantari e 'un sacciu 'unni sì.
Chicchirichì! Persi lu 'addu e li quattru tarì.

Cummari mia, sgarrastivu strata
picchì a la me casa 'addruzzu 'un ci nn'é.
Ma si lu trovu ci tiru lu coddru,
lu mettu a moddru chi broru mi fa.
Chicchirichì! Ti sentu cantari e 'un sacciu 'unni sì.
Chicchirichì! Persi lu addu e li quattru tarì.